CYNHADLEDDAU YM MEIFOD

Wedi ei leoli mewn gerddi aeddfed a helaeth mae Meifod yn westy unigryw a moethus. Mae'n ddelfrydol ar gyfer cyfarfodydd a chynadleddau busnes y tu allan i'r dref ac mae'n cynnig digon o le parcio i bawb.

Prif nod ein tîm yma ym Meifod yw sicrhau bod eich cynhadledd, boed yn fawr neu'n fach, yn broffesiynol ac yn rhedeg yn llyfn. Gallwn gynnig offer o bob math yn cynnwys taflunwyr, sustem sain, offer teledu a fideo, siartiau ysgrifennu ynghyd â chysylltiad â'r we. Mae modd teilwra unrhyw gyfarfod neu gynhadledd i'ch anghenion arbennig.

Mae gennym ddewis eang o fwydydd o brydau sylweddol i ginio ysgafn neu bwffé anffurfiol.

Rydym yn cynnig gwasaneth proffesiynol i bob cyfarfod neu gynhadledd a gallwn deilwra'r trefniadau i'ch anghenion chi. Am fwy o wybodaeth cysylltwch â'n Cydlunwyr Cynhadledd.

DIGWYDDIADAU ERAILL

Mae Meifod hefyd ar gael i gynnal partïon preifat yn ein Orendy, Stafell Brymer neu'n y Llyfrgell.

Rydym yn cynnal partïon penblwydd, bedydd, dyweddïo, penblwyddi priodas ac ymddeol yn aml gan fod Meifod yn lle delfrydol i bob math o barti.

Os ydych eisiau te yn dilyn cynhebrwng rydym yn cynnig gwasanaeth preifat ac agos-atoch. Gall ein staff aeddfed a llawn cydymdeimlad sicrhau gwasanaeth tawel ac effeithlon i leddfu ychydig ar eich cyfnod annodd.

Am fwy o wybodaeth codwch y ffôn ya byddwn yn fwy na bodlon i drafoid eich anghenion i gyd.